Детали за сообраќајката на патот Кичево-Гостивар: Се судриле сканија од Албанија со автомобили од Кичево, Будимпешта и Ниш, едниот возач е тешко повреден

Автомобили од Кичево, Будимпешта и Ниш како и сканија со албански регистарски таблици учествувале во вчерашната сообраќајна несреќа на патот Кичево-Гостивар, соопшти МВР.

„На 30.05.2026 во 14:10 часот, кај месноста „Сеферов бунар“ на магистралниот  пат Кичево-Гостивар, случена е сообраќајна незгода помеѓу товарно моторно возило „фолксваген кеди“ со кичевски регистарски ознаки, управувано од Ф.К.(62) од кичевското село Грешница, товарно возило „сканија“ со албански регистарски ознаки, управувано од А.С.(60) од Делисуфај, Република Албанија, патнички автомобил „бмв“ со унгарски национални ознаки, што го управувала  В.К.(45) од Будимпешта и патнички автомобил „фиат“ со српски национални ознаки, што го управувала  М.Г.(32) од Ниш. Притоа, со тешки телесни повреди се здобил возачот на првото возило кој, поради сериозноста на повредите е пренесен во Ургентниот центар „Мајка Тереза“ во Скопје“, велат од полицијата.

Увид на местото на незгодата, извршија полициски екипи.

Share on Facebook

Tweet

Follow us

Save