Избрани две нови судијки во Врховниот суд

Анита Бошковска и Катерина Георгиевска се избрани за судијки во Врховниот суд од граѓанска област.

На денешната 436-та седница на Судскиот совет со 74 бода судијката  Бошковска доби десет гласа „за“ и два против, исто како и второрангираната со 68,4 бода  Георгиевска.

Од граѓанска област пријавени беа пет кандидати. Судскиот совет согласно закон судиите ги избира со најмалку осум гласа „за“ од судиите со право на глас и гласа од прворангираниот се до изборот на потребниот број судии согласно објавениот оглас. Останатите кандидати беа Елизабета Дуковска со 64,8 бода, Роза Георгиева со 55,5 бода и за Енвер Беџети со 53,3 бодови.

Од кривична област, од пријавените пет кандидати Зоран Димитриевски доби четири гласа „за“ и осум против, Данка Ристова шест гласа „за“, шест против, Татјана Дукоска четири гласа „за“ и осум против, Енвер Беџети четири гласа „за“ и осум против и Енвер Амзаи, исто така четири гласа „за“ и осум против.

Ова е прв избор на судии во повисок суд, по новите критериуми за оценка.

Share on Facebook

Tweet

Follow us

Save