Калас: Нема враќање на замрзнатите средства додека Русија не ѝ плати отштета на Украина

Високата претставничка на ЕУ за надворешна политика и безбедност, Каја Калас, изјави дека Европската Унија нема да ги врати замрзнатите средства на Русија сè додека Москва не плати отштета на Украина.

Калас потсети дека Европската Унија одлучила да ги замрзне руските средства на неодредено време.

„Ова гарантира дека до 210 милијарди евра руски средства ќе останат во ЕУ ако Русија не ѝ плати на Украина целосна отштета за штетата што ја предизвикала“, напиша таа на платформата „Икс“.

Калас најави дека ЕУ ќе го зголеми притисокот врз Русија сè додека таа не почне сериозно да ги сфаќа преговорите.

Како што изјави таа, состанокот на Европскиот совет следната недела ќе биде клучен за обезбедување на финансиските потреби на Украина во наредните години.

Во петок Европската унија ја потврди одлуката за замрзнување на неопределено време на средствата на руските централни банки лоцирани во Европа, со што се отстранува голема пречка за користење на готовина за да се помогне на Украина да се одбрани од Русија.

Советот на Европската унија денес одлучи да забрани, на привремена основа, каков било трансфер на средства на Руската централна банка, имобилизирани во ЕУ, во Русија, се вели во соопштението објавено на веб-страницата на Советот на ЕУ.

Оваа одлука, се додава, е донесена во итна постапка со цел да се ограничи штетата врз економијата на Унијата, пренесува „Танјуг“.

Share on Facebook

Tweet

Follow us

Save