Објавено на:

Канал 12: Нетанјаху можеби разгледува удар врз Иран без одобрение од САД

t

Израелскиот опозициски лидер Авигдор Либерман стравува дека премиерот Бенјамин Нетанјаху разгледува напад врз Иран без учество и без одобрение од САД, објави израелскиот Канал 12. Според телевизијата, токму таа загриженост стои зад предупредувањето на Либерман од крајот на минатата недела дека нема оправдување за непосреден удар и дека таквиот потег би бил „чисто политички“.

Според истиот извештај, израелското воено разузнавање на затворен состанок минатата недела предупредило дека удар врз Иран може да предизвика борби и на други фронтови. Во проценката биле посочени Либан, каде што дејствува Хезболах, како и Сирија и Појасот Газа. Канал 12 наведува дека Нетанјаху зборувал за ограничена операција што би траела неколку дена, додека военото разузнавање предупредило на ризик од поширока ескалација. Израелската армија соопшти дека не коментира што било кажано на затворени состаноци.

Американскиот претседател Доналд Трамп во четвртокот за Канал 12 изјави дека сè уште нема донесено одлука за Иран и дека не брза да го стори тоа. Телевизијата претходно објави дека Нетанјаху го притиска Трамп наскоро да започне нова воена операција. Во најновиот извештај нема потврда дека Израел донел одлука за самостоен удар.

ПОВРЗАНИ ВЕСТИ

Канал 12: Нетанјаху можеби разгледува удар врз…

Израелскиот опозициски лидер Авигдор Либерман стравува дека…

ЗНМ ги осудува заканите по живот упатени…

„Здружението на новинарите на Македонија (ЗНМ) остро…

„РУСИЈА ИМА 11 ВРЕМЕНСКИ ЗОНИ – КАКО…

Францускиот левичарски политичар Жан-Лик Меланшон предупреди на…

Жена пронајдена почината во Кисела Вода

На 21.11.2026 во 14:05 часот во СВР…

Мицкоски со клучни мерки за младите: Поевтини…

Премиерот и претседател на ВМРО-ДПМНЕ, Христија Мицкоски,…