Косовската полиција спречи шверц на стока вредна десетици илјади евра и уапси македонски државјанин

Косовската полиција спречила случај на шверц на стока во пограничната област со Македонија, јавува ТВ21.

Според соопштението, случајот е откриен во планинскиот предел меѓу селото Радуша и патот што го поврзува Горанце со Елез Хан (Ѓ.Јанковиќ), каде е сопрено возило што се движело нелегално од Северна Македонија кон Косово. Уапсен е државјанин на Северна Македонија, а за време на претресот е запленета стока без документација, вредна десетици илјади евра. Со одлука на обвинителот, на осомничениот му е одреден притвор од 48 часа, додека возилото и стоката се конфискувани како материјални докази.

„Косовската полиција, поточно Граничната полиција од Регионалната гранична дирекција Југ, при спроведување на оперативни задачи во рамките на планот „Железен штит“, спречи случај на шверц на стока во граничната зона помеѓу Република Косово и Северна Македонија. Случајот се случил во планинската област помеѓу селото Радуша и патот што ги поврзува селото Горанце со Елез Хан. Полициските единици, за време на теренското набљудување, идентификуваа возило кое се движело по нелегален планински пат од територијата на Северна Македонија кон Република Косово, чиј возач се обидел да ја напушти полициската единица заедно со патник, но возилото било запрено од полициски службеници, при што еден од осомничените, државјанин на Северна Македонија, бил уапсен. При претресот на возилото, пронајдена и запленета е разновидна стока, чија вредност, според првичните проценки, надминува десетици илјади евра, за која осомничениот не поседувал релевантна документација за потеклото. Откако „во консултација со надлежниот обвинител, осомничениот е приведен 48 часа, додека стоката и возилото се конфискувани како материјални докази во кривична постапка“, се вели во соопштението на косовската полиција.

Share on Facebook

Tweet

Follow us

Save