Кумановецот кој му се закануваше на Мицкоски оди во притвор

Кумановецот А.Д. од селото Черкези заврши во притвор откако, според МВР, на социјалните мрежи упатил закана кон претседателот на Владата, Христијан Мицкоски.

„Отсекот за компјутерски криминал при СВР Куманово, во содејство со Секторот за компјутерски криминал и Одделот за криминалистичка полиција при БЈБ, поднесе кривична пријава по брза постапка против А.Д. од село Черкези, кумановско, поради постоење основи на сомнение за сторено кривично дело ‘загрозување на сигурноста’ по член 144 став 5 од Кривичниот законик“, наведуваат од СВР Куманово.

Според пријавата, на 11 септември годинава, на објава на профилот на социјална мрежа на претседателот на Владата, пријавениот напишал коментар со заканувачка содржина.

„Од судија на претходна постапка на пријавениот му е определена мерка притвор во траење од осум дена“, соопшти СВР Куманово.

Денеска на премиерот Христијан Мицкоски откри дел од содржината на заканите што, според него, биле упатени кон него и неговото семејство.

„И јас вчера дознав за тие закани, дека сум бил свиња и дека ќе ме колел на плоштад, и упатил пцовки кон мене и моето семејство“, рече Мицкоски. објави Скопје1.мк

Share on Facebook

Tweet

Follow us

Save