Мицкоски “лично очекува” Савески да расчисти како Катица Јанева од затвор активирала предмети, за бонусите на СЈО и врз кои докази се судело за „27 април”

Новиот јавен обвинител Ненад Савески да ги извади сите предмети кои изминативе години се чувале во фиока и да анализира да се види дали има основано сомнение дека има организиран криминал, порача премиерот Христијан Мицкоски од седницата за пратенички прашања. Тој рече дека лично очекува од Савески и апелира до него да ја открие вистината како поранешната специјална обвинителка Катица Јанева додека била во затвор ги активирала предметите во судството, како се судело на група луѓе за тероризам и за бонусите на обвинителите од СЈО. Премиерот одговори на прашање на пратеничката од ВМРО-ДПМНЕ Силвана Ангелеска што очекува од неодамна избраниот нов државен јавен обвинител.

Мицкоски рече дека има големи очекувања од новиот државен јавен обвинител бидејќи има информации дека голем дел од предметите доставени до обвинителството се чуваат во фиока. Тој рече дека често на седница на Влада ја анализираат работата на институциите врз основа на извештаи на Државниот завод за ревизија и ако токму ДЗР констаитира дека предмети се чуваат во фиока тогаш очекувањата се сите предмети да се извадат, да се работат и да се види дали има основано сомнение дека има организиран криминал. Дека станува збор за стотици предмети.

Share on Facebook

Tweet

Follow us

Save