Москва под удар на 630 украински дронови за помалку од осум часа

Москва во ноќта меѓу средата и четвртокот се најде на удар на еден од најжестоките напади со беспилотни летала оваа година.

Според податоците што ги објави градоначалникот на руската престолнина Сергеј Собјанин, а ги пренесе руската новинска агенција ТАСС, кон градот во нешто помалку од осум часа полетале дури 630 дронови.

Собјанин наведе дека нападот траел од 20:30 часот во средата до четири часот наутро во четвртокот, по московско време. Поголемиот дел од дроновите руската противвоздушна одбрана наводно ги уништила додека сè уште биле на далечинските приоди кон градот, додека 163 дрона биле пресретнати во близина на Москва.

Во нападот биле повредени две лица во близина на Вороново, во подрачјето на административните окрузи Троицки и Новомосковски, југозападно од центарот на руската престолнина, извести градоначалникот.

Според претходните тврдења на Собјанин, најголемиот досега забележан напад со дронови врз Москва се случи во ноќта на 19 септември. Тогаш руската противвоздушна одбрана наводно обори повеќе од 1.600 украински беспилотни летала, од кои 450 му се приближувале на градот.

Share on Facebook

Tweet

Follow us

Save