Одложен „Маршот на ангелите“ поради првомајските празници: „Продолжуваме на 9 мај со уште поголема сила“

Традиционалниот протестен марш познат како „Маршот на ангелите“, кој требаше да се одржи оваа сабота, се одлага поради празникот 1 Мај и претстојниот продолжен викенд. Организаторите преку соопштение ги информираа граѓаните дека паузата е привремена и дека нивната борба за правда не запира.

„Не застануваме и не молчиме“ Иако оваа сабота маршот нема да се одржи, организаторите испратија силна порака до јавноста дека нивната решителност останува иста.

„Но ние не застануваме. Не молчиме. И нема да се откажеме“, стои во објавата на организацискиот одбор.

Активностите ќе продолжат веднаш по празничниот период. Како што е најавено, следниот марш е закажан за идната сабота, 9 мај. Организаторите најавуваат дека собирот ќе се одржи со уште поголема масовност и со истата јасна порака која ја упатуваат од самиот почеток: „Правда мора да има!!“.

Овој марш, кој симболично го носи името на „ангелите“, претставува граѓански крик за одговорност и праведен исход на настаните кои се предмет на нивниот протест.

Share on Facebook

Tweet

Follow us

Save