Општина Бутел воведува комунални редари — ќе казнуваат непрописно одлагање отпад и вандализам

Поради големиот број депонии и непрописното одлагање отпад, Општина Бутел воведува комунални редари кои, како што велат од локаланата самоуправа, ќе имаат засилени теренски контроли и ќе треба да го одржуваат комуналниот ред во општината.

Општинските комунални редари ќе работат во две смени, со службени возила и ќе санкционираат несовесното фрлање отпад, создавањето диви депонии, уништување на општински имот, како и другите прекршувања на комуналниот ред, а патролите ќе се вршат низ цела општина.

Од Општина Бутел соопштија дека со воведувањето на комуналните редари се очекува поголема контрола врз состојбата на јавните површини, спречување на создавањето диви депонии и подигнување на свеста за правилно одлагање на отпадот.

Share on Facebook

Tweet

Follow us

Save