Почина легендарниот хрватски музичар Џими Станиќ на 98 години, настапуваше речиси до последен момент

Легендарниот хрватски музичар Стјепан Џими Станиќ почина на 98-годишна возраст.

Речиси до последниот момент, тој го правеше она што го сакаше целиот свој живот – настапуваше.

„Каубој Џими“, песната и деби албумот што го катапултираа во ѕвезди, биле снимени сосема случајно, како член на Вокалниот ансамбл на Никица Калоѓера, а помалку е познато дека ја добил песната токму поради својот прекар Џими, а не обратно.

Еден ден, шефот на Ники на шега го повикал – Џими, имаме песна по нарачка за тебе, „Каубој Џими“. Останатото, како што велат, е историја, а во неа ќе останат песните како претходно споменатата „Каубој Џими“, „Кукавице“, „Пролази све“, „Моја кобила Сузи“ и неизбежната „Димњачар“, песна што ја изведе со својата Барбара.

Стјепан Џими Станиќ е роден во Загреб во 1929 година, а со музика се занимавал уште од раната младост. Покрај пејачката кариера, свирел гитара и контрабас.

Тој ги уривал бариерите, опстојувајќи на динамичната музичка сцена повеќе од седум децении, воодушевувајќи генерации со својот глас, харизма и ненадминлив хумор.

Својата музикалност почнал да ја открива како дваесетгодишник, на почетокот на педесеттите години од минатиот век, како пејач, гитарист и одличен контрабасист, повеќе  кон џезот.

Неговиот топол вокал му овозможил да влезе во трката со многу светски хитови, но, пред сè, со своите лежерни и непретенциозни, духовити настапи и богат тон полн со свинг да ја пренесе атмосферата на клупска забава проследена со изливи на смеа.

Посебно место во дискографијата на Џими заземаат три евергрин песни: „Замагљен прозор“ (тема од филмот „Пукнатина во рајот“), „Пролази све“ (од фестивалот во Загреб ’65) и „Јутро ќе промијенити све“ (која ја извеле и сараевските „Индекси“ на фестивалот во Опатија ’68).

Стјепан Џими Станиќ во 2013 година ја добил наградата „Порин“ за животно дело.

Share on Facebook

Tweet

Follow us

Save