Предложен притвор за вработен во ДЗС осомничен за поткуп

t

Основното јавно обвинителство Скопје донесе Наредба за спроведување истражна постапка против едно лице за кривично дело – Примање поткуп по член 357 став 1 од Кривичен законик.

Осомничениот како службено лице – вработен во Дирекцијата за заштита и спасување во Одделение за издавање урбанистички согласности бил овластен да потпишува, дава мислење и издава согласност на просторни и урбанистички планови и проекти од аспект на заштитата и спасувањето и елаборати за заштита од пожари, експлозии и опасни материи.

За да изврши службено дејствие што не смеел да го изврши, односно да даде согласност за елаборат иако тој не ги исполнувал условите за градба во делот за заштита од пожари, експлозии и опасни материи, осомничениот директно побарал и примил поткуп од едно лице во износ од 32.000 денари.

Имајќи ја предвид природата на кривичното дело, предвидено во Кривичниот законик како дело против службената должност, начинот и околностите под кои е сторено делото и неговата последица, јавниот обвинител оцени дека постои ризик осомничениот да се даде во бегство за да избегне кривичен прогон. Исто така, со оглед на неговата позиција, постои сомнение дека тој би можел да го повтори делото, како и оправдан страв дека би можел да влијае врз сведоци. Од тие причини, јавниот обвинител до судијата на претходна постапка достави предлог за определување мерка притвор.

ПОВРЗАНИ ВЕСТИ

Предложен притвор за вработен во ДЗС осомничен…

Основното јавно обвинителство Скопје донесе Наредба за…

Осум месеци затвор за Игор Дашковски кој…

Основниот кривичен суд Скопје го осуди 44-годишниот…

Росица пријавувала насилство, тие не постапувале: Обвинение…

Основното јавно обвинителство за гонење на организиран…

Трамп на 19 ноември планира одделна средба…

Американскиот претседател Доналд Трамп планира на 19…

Рубио и експертите тврдат: Технолошките прекини што…

САД не се под системски напад, изјави…