Предупредување за туристите: Јадранското Море преплавено со медузи

Голем број медузи се забележани во делови од Јадранското Море, поради што експертите и локалните власти апелираат до туристите и капачите да бидат внимателни при престојот во водата.

Според морските биолози, појавата на медузи во овој период од годината не е невообичаена, но нивниот број на одредени локации е значително зголемен. На тоа влијаат повисоките температури на морето, морските струи и промените во екосистемот.

Иако повеќето видови медузи во Јадранот не се опасни по живот, нивниот допир може да предизвика непријатни реакции како печење, болка, црвенило на кожата и алергиски симптоми кај почувствителни лица.

Експертите советуваат капачите да избегнуваат контакт со медузите, а доколку дојде до убод, местото да не се трие со раце или пешкир. Се препорачува испирање со морска вода и, по потреба, барање медицинска помош доколку реакцијата е посериозна.

Туристичките служби на повеќе јадрански дестинации внимателно ја следат состојбата и редовно ги информираат посетителите за присуството на медузи во крајбрежните области.

И покрај зголемената појава на медузи, плажите остануваат отворени за посетители, а надлежните нагласуваат дека со соодветна претпазливост капењето и натаму е безбедно за поголемиот дел од туристите

Share on Facebook

Tweet

Follow us

Save