Приведени Германец и Србин со дрога и 2.000 евра сомнителни банкноти
Граничната полиција на Табановце спречи внесување дрога и сомнителни фалсификувани пари. Двајца патници, еден од Германија и еден од Србија, биле лишени од слобода откако при контрола во нивниот багаж биле пронајдени марихуана и банкноти за кои постои сомнение дека се фалсификувани.
На 25 јули 2026 година, во 17:58 часот, на Граничниот премин Табановце, на влез во државата, полициски службеници ги лишиле од слобода Х.Т. (24) од Германија и А.А. (27) од Србија.
При пасошка контрола, гранични проверки и преглед на возило „хјундаи“ со германски национални ознаки, во кое двајцата биле сопатници, кај Х.Т. во личниот багаж биле пронајдени и одземени марихуана и 34 банкноти од по 50 евра, за кои постои сомнение дека се фалсификувани.
Кај второто лице, А.А., биле пронајдени и одземени марихуана и шест банкноти од по 50 евра со сомнителна автентичност.
Лицата биле предадени на полициски службеници од СВР Куманово. По целосно документирање на случајот, против нив ќе биде поднесена соодветна пријава.
ПОВРЗАНИ ВЕСТИ
Приведени Германец и Србин со дрога и…
Граничната полиција на Табановце спречи внесување дрога…
По четири часа изгаснат е пожарот меѓу…
По четири часа Територијалната противпожарна единица Радовиш…
Прилепчанец со над 2 промили алкохол приведен…
Дваесет и осумгодишен жител на Прилеп е…
Почина 81-годишник, со трактор излетал од патот…
Осумдесет и едногодишен жител на Градско го…
Хаос во Струмица: Насилници претепале цело семејство…
СВР Струмица, до ОЈО Струмица, поднесе кривична…