Сè уште се трага по вториот американски пилот

Еден член на екипажот е спасен, а по другиот се трага. Техеран демантираше дека го уапсил исчезнатиот член на екипажот. Иран тврди дека пилотот сè уште не е пронајден, додека паралелно трае интензивна потрага и од иранска и од американска страна.

Според светските медиуми, станува збор за еден од двајцата членови на екипажот на американски F-15E Strike Eagle што беше соборен над Иран. Еден од нив веќе е спасен, но вториот и натаму се води како исчезнат. Иран дури ги повика и граѓаните да помогнат во негово пронаоѓање, нудејќи и награда, што дополнително покажува дека пилотот не е под потврдена официјална контрола на иранските власти.

Случајот е особено чувствителен затоа што станува збор за прв потврден американски борбен авион соборен над иранска територија во текот на актуелниот конфликт. Падот на леталото веднаш ја зголеми тензијата околу можноста исчезнатиот пилот да биде заробен, што би отворило уште поопасна фаза во војната меѓу САД, Иран и Израел.

Share on Facebook

Tweet

Follow us

Save