САД подготвуваат „финален удар“ врз Иран? Разгледуваат бомбардирања и копнена операција по неуспешните преговори

САД разгледуваат серија сценарија за можен „финален удар“ врз Иран, кои вклучуваат и големи воени операции, пренесуваат американски медиуми повикувајќи се на извори блиски до Пентагон.

Според информациите, воените планери анализираат опции што опфаќаат масовни воздушни напади врз стратешки цели, но и потенцијална копнена операција со ограничен обем.

Меѓу сценаријата што се разгледуваат е и преземање контрола врз островот Харг, клучна точка за извоз на иранска нафта, како и островите Ларак и Абу Муса, кои имаат значајна улога во контролата на Ормускиот теснец – еден од најважните енергетски коридори во светот.
Дополнително, се разгледува и пресретнување на танкери што превезуваат иранска нафта, како дел од поширока стратегија за економски притисок.

Паралелно, постојат и планови за операции внатре во Иран, со цел запленување на залихи на високо збогатен ураниум или уништување на нуклеарни постројки преку воздушни напади.
Според американски претставници, ваквите чекори би можеле да ја зајакнат преговарачката позиција на Вашингтон.

Share on Facebook

Tweet

Follow us

Save