Син ја нападнал мајка си фрлајќи предмети од покуќнината

Четириесет и едногодишен гостиварец е лишен од слобода по пријава дека во семејниот дом, под дејство на алкохол, агресивно се однесувал кон неговата 63-годишна мајка и ја повредил.

– На 22.09.2026 во 00:05 часот, полициски службеници од ОВР Гостивар го лишиле од слобода Х.Ф.(41) од Гостивар, постапувајќи по претходна пријава дека во семејниот дом под дејство на алкохол агресивно се однесувал кон неговата 63-годишна мајка, а фрлал остри предмети и други предмети од покуќнината кон неа и ѝ нанел повреди, соопшти МВР.

Х.Ф. бил задржан во полициска станица, а при преземањето мерки било утврдено дека имал 1,54 промили алкохол во крвта.

Од МВР информираат дека по целосното документирање на случајот против него ќе следува соодветен поднесок.

Share on Facebook

Tweet

Follow us

Save