Скандалозни изјави на Трамп – призна дека го повикал претседателот на ФИФА, па порача: „Ако изгубиме, ќе тврдам дека е наместено“

Невиден политички и спортски скандал го тресе Светското првенство. Претседателот на Соединетите Американски Држави, Доналд Трамп, официјално потврди дека лично интервенирал кај чадорската фудбалска организација (ФИФА) и побарал преиспитување на црвениот картон за првата ѕвезда на американскиот тим, Фоларин Балогун.

По невиден притисок од Вашингтон, ФИФА донесе контроверзна одлука, ја промени казната и експресно му дозволи на напаѓачот да игра на вечерашниот осминафинален натпревар против Белгија во Сиетл, што предизвика гнев и лавина осуди низ спортската планета.

Сè започна минатата недела на натпреварот против Босна и Херцеговина, кога Балогун заработи директно исклучување бидејќи, по прегледот на ВАР, беше утврдено дека стапнал на противнички играч. Американската јавност беше шокирана, а потоа во приказната се вклучи и врвот на американската политика.

Министерот за трговија на САД, Хауард Лутник, кој го гледаше натпреварот од ложата седејќи веднаш до претседателот на ФИФА, Џани Инфантино, веднаш почна да ги врти телефоните за да види што може да се направи. Шефот на Работната група на Белата куќа за Светското првенство, Ендру Џулијани, се придружи на акцијата и го информираше Трамп за сè. Следеа денови на стратешки состаноци на кои федералната влада директно му помогна на правниот тим на фудбалскиот тим на САД да ја состави жалбата.

„Претседателот разговараше со Инфантина затоа што сакаше подобро да ги разбере причините за црвениот картон и суспензијата. Владата на САД обезбеди дополнителни докази што беа искористени во процесот на жалба и на крајот беше постигнат правилен и фер исход“, потврди претставникот на американската администрација, истакнувајќи дека одлуката сепак ја донел „независен одбор“.

За време на денешното обраќање до јавноста во Овалната соба, Трамп потврди дека се јавил во ФИФА, но во исто време се бранеше велејќи дека „нема никаква врска со конечната одлука“. Сепак, тој ги нападна судиите и го покажа своето „извонредно“ познавање на фудбалот.

„Побарав рецензија од ФИФА. Го разбирам спортот многу добро и не мислам дека воопшто беше фаул. Стануваше збор само за двајца одлични спортисти кои се судрија и се заплеткаа. Не беше лик кој удираше некого во лице или нешто слично, тоа би било поинаку. Едно е да казниш некого за време на самата игра, но како можеш да го казниш за игра која сè уште не е одиграна? Тоа е крајно неправедно, не можеш да го направиш тоа. Сепак, мора да им дозволиш на тимовите да ги користат своите најдобри играчи“, рече американскиот претседател.

На својот препознатлив, запалив начин, Трамп испрати порака пред вечервашниот фудбалски класик во Сиетл, но исто така ги повтори своите стари, докажани лажни тврдења за претседателските избори во Америка.

„Вечервашниот натпревар ќе биде неверојатен. Ќе имаме комплетен тим, Белгија ќе има комплетен тим и знаете што? Ако нè победат, тогаш можат да бидат навистина горди. Од друга страна, ако нè победат, ќе кажам дека сè е наместено – исто како што беа наместени изборите во 2020 година!“, рече Трамп.

Таквиот политички притисок и одлуката на ФИФА наидоа на жесток одговор во Европа. Кралската белгиска фудбалска асоцијација (RBFA) издаде итно соопштение во кое најавува правна битка од невидени размери.

„Немаме друга алтернатива освен правно да го оспориме правото на овој играч да игра на вечервашниот натпревар. Без оглед на спортскиот исход од овој натпревар, длабоко сме загрижени од овој низ на настани. Белгиската федерација ќе продолжи да се бори во наредните часови, денови и месеци во одбрана на основните принципи на етиката, фер-плејот и интересите на фудбалот како целина“, рекоа Белгијците.

Натпреварот во Сиетл повеќе не е само борба за четвртфиналето на Светското првенство – тој стана најголемата дипломатско-спортска војна во модерната историја на фудбалот.

Share on Facebook

Tweet

Follow us

Save