Советник на полскиот претседател: Трамп ја прекрши границата и ги навреди сите католици

Висок советник на полскиот претседател, Карол Навроцки, го обвини американскиот претседател Доналд Трамп за навредување на католиците. Оваа критика следуваше по неговите изјави упатени кон папата, како и по објавата на социјалните мрежи во која Трамп беше прикажан во религиозен контекст.

Советникот Славомир Сенкјевич оцени дека изјавите на Трамп го претставуваат „пречекорувањето на сите граници“ и се навреда за поглаварот на Католичката црква, а со тоа и за верниците. Тој истакна дека вакви пораки може да предизвикаат политички и верски чувствителни реакции во Полска, која важи за една од најкатоличките земји во Европа. Контроверзата доаѓа по претходните критики на Трамп кон папата Лав XIV, во врска со неговиот став за американските воени интервенции и меѓународната политика.

Додека полскиот претседател Навроцки досега не се изјаснил конкретно за актуелниот инцидент, познато е дека неговиот политички табор одржува блиски односи со Трамп и неговата администрација.

Share on Facebook

Tweet

Follow us

Save