Сопругот на косовската претседателка предлага изградба на хотел „Трамп“ во Приштина

Сопругот на претседателката на Косово, Приндон Садриу, предложи проектот на зетот на американскиот претседател Џаред Кушнер за изградба на хотел Трамп да се спроведе во Приштина.

„Повлекувањето од проектот за хотел Трамп во Белград потврдува важна вистина: значајните проекти имаат за цел да обединат, а не да разделат“, напиша Садриу на социјалната мрежа „X“.

Тој изјави дека „преместувањето на оваа визија во Приштина и трансформирањето на Гранд хотелот во хотел Трамп ќе ја ревитализира оваа примарна локација и ќе ги обедини луѓето“. Патем, Џаред Кушнер првично планираше да го спроведе проектот за хотел Трамп во Белград, на местото на Генералштабот, но се откажа од тоа поради притисок од дел од јавноста. За ова денес зборуваше и српскиот претседател Александар Вучиќ, велејќи дека американскиот претседател Доналд Трамп и неговите соработници се повлекле од проектот за Генералштабот во Белград поради „блокадата“, односно нивното репресирање врз соработниците на Трамп.

„Трамп, или поточно неговите соработници, не одлучија за Генералштабот поради нас, туку поради нив. Поради нивниот притисок и прогон. Кога зборуваат за корупција, не знаат како да ги обвинат најблиските соработници на Трамп за корупција“, изјави Вучиќ пред новинарите во Белград.

Share on Facebook

Tweet

Follow us

Save