Стотина семејства од Кичево се евакуирани поради поплавување на нивните домови

И понатаму критична е состојбата со поплавите на некои места во Кичево. Целосно поплавен е и градскиот стадион, а од Раководството на Фудбалскиот клуб Влазерими информираат дека и клупската инфраструктура и објектите претрпеле значителни и сериозни материјални штети.

Целосно Уништен е теренот,соблекувалните,спортската опрема и дресовите како и целиот инвентар.

Во меѓувреме сите релевантни субјекти и општествено одговорни фирми се активни и на терен. Доставувањето на храна се одвива непречено и исклучиво преку Општина Кичево, во координација со Црвениот Крст. Жителите кои се засегнати од поплавите и понатаму се сместени во спортската сала, која располага со соодветно греење. Во соработка со Црвениот крст е обезбеден дел од потребната помош, а храна се обезбедува преку општинската народна кујна и преку Црковната кујна со средства на Општината и во соработка со Црвениот крст.

Во Охрид состојбата е малку потсмирена но сеуште алармантна.на располагање ставени се сите човечки и материјални ресурси.

Екипи со тешка механизација ја пренасочуваат водата кон езерото, а со пумпи се врши испумпување од подруми, дворови и деловни простории. Преку бројот 112 се примени поголем број пријави од населбата Далјан.

Неколку хотели во Охрид нудат бесплатно сместување за погодени граѓани од поплавите се отворена е и сметка за донација во Црвен крст.

Share on Facebook

Tweet

Follow us

Save