Црвен Аларм! Две медицински сестри заразени со смртоносниот вирус „Нипа“ – една во кома!

Индиските здравствени власти прогласија вонредна ситуација во Западен Бенгал по потврдата дека две медицински сестри од приватна болница во близина на Калкута се заразени со смртоносниот вирус „Нипа“. Една од нив е во критична состојба и моментално се наоѓа во кома, пренесуваат локалните медиуми.

Сестрите, кои работеле заедно од 28 до 30 декември, развиле висока температура и сериозни проблеми со дишењето од 31 декември до 2 јануари. Поради влошувањето на состојбата, на 4 јануари биле хоспитализирани на одделот за интензивна нега. Првичните истраги покажуваат дека вирусот најверојатно го добиле од пациент со тешки респираторни симптоми, кој починал пред да може да се тестира.

За да се спречи ширењето, 180 лица од регионот биле тестирани, а 20 лица со висок ризик од контакт се ставени во карантин. Тестовите до сега се негативни, но изолацијата и повторното тестирање по 21 ден продолжуваат.

СЗО предупредува дека „Нипа“ може да предизвика тешки респираторни проблеми и смртоносен енцефалитис. Првите епидемии биле во Малезија во 1999 година, кога починале над 100 луѓе, а болеста се пренесува од животни, овошје и директен контакт со заразени лица.

Нема лек или вакцина – медицинските тимови можат само да ги третираат симптомите. Инкубациониот период е 4 до 14 дена, а вирусот се смета за една од најсмртоносните заразни болести со стапка на смртност од околу 58%.

Локалните власти ја интензивираат контролата и тестирањето на лилјаци, кои можат да бидат природен носител, а јавноста се предупредува да остане мирна, но внимателна.

Share on Facebook

Tweet

Follow us

Save