Четворица израелски војници убиени во Либан, министерот Бен-Гвир порача „целиот Либан треба да гори“

Израелската армија денеска соопшти дека четворица нејзини војници се убиени за време на воени операции во јужен Либан, што се првите загуби по потпишувањето на меморандумот за разбирање меѓу САД и Иран со кој се предвидува прекин на воените дејствија на сите фронтови на Блискиот Исток.

Војниците биле убиени за време на операции во пограничната област со Либан.

Израелската армија претходно соопшти дека нејзините сили во текот на ноќта гаѓале цели низ јужен Либан, додека движењето Хезболах соопшти дека води интензивни борби во регионот.

Според либанските медиуми, во израелските напади загинале најмалку 16 лица. Израелската војска потврди дека операциите се во тек, без да даде дополнителни детали за жртвите.

Израелскиот министер за национална безбедност, Итамар Бен-Гвир по информацијата за смртта на четворица израелски војници изјави дека „целиот Либан треба да гори“.

Ултра-десничарот Бен-Гвир, кој клучен сојузник на премиерот Бенјамин Нетанјаху, нагласи дека Израел мора да испрати „јасен сигнал“ по загубата на војниците.

„Со сета почит кон Американците, но Израел мора да даде јасен знак на светот дека крвта на нашите синови и безбедноста на нашите граѓани не смеат да бидат препуштени на случајноста. Целиот Либан треба да гори“, изјави Бен-Гвир.

Ескалацијата на насилството во Либан сериозно го поткопува новопотпишаниот договор меѓу Иран и САД, што повикува на итен прекин на воените дејствија на повеќе фронтови, вклучително и во Либан. Договорот има за цел да придонесе кон деескалација и зачувување на територијалниот интегритет и суверенитет на Либан.

Share on Facebook

Tweet

Follow us

Save