Јапонија пред каматна стапка невидена три децении – нов ризик за глобалните пазари

Една од најнеобичните епохи во светската монетарна политика се приближува кон својот крај.

Банката на Јапонија се подготвува во петок да ја зголеми основната каматна стапка на највисоко ниво во последните 31 година, објави Reuters.

За повеќето држави тоа можеби не би звучело драматично.

Но Јапонија со децении беше исклучок во светската економија.

Додека другите централни банки ги зголемуваа каматите, Токио долго време одржуваше екстремно евтини пари, обидувајќи се да ја победи дефлацијата.

Сега ситуацијата се менува.

Инфлациските притисоци остануваат силни, а високите цени на енергијата создаваат дополнителен ризик.

Податоците објавени претходно овој месец покажаа дека јапонската големопродажна инфлација останува зголемена.

Но одлуката на Банката на Јапонија има значење далеку надвор од Јапонија.

Со години јапонските инвеститори позајмуваа евтини јени и инвестираа во средства со повисоки приноси во странство – стратегија позната како „carry trade“.

Доколку јапонските камати продолжат да растат, дел од тој капитал може да почне да се враќа дома.

Тоа потенцијално може да влијае врз американските и европските обврзници, акциите и девизните пазари.

Ситуацијата станува уште почувствителна затоа што истовремено растат приносите на американските државни обврзници.

Со други зборови, две од најважните централни банки во светот во ист момент се соочуваат со обновен инфлациски притисок.

Тоа може да значи дека ерата на евтините пари нема брзо да се врати.

Share on Facebook

Tweet

Follow us

Save