Акција на Бит Пазар, полицијата заплени петарди

Полициски службеници од СВР Скопје – Единица за недозволена трговија денеска на бул.„Гоце Делчев“ во Скопје го привеле И.К. од село Батинци, скопско. Тој бил затекнат како продава пиротехнички средства и кај него биле пронајдени вкупно 4.811 парчиња различни видови пиротехнички средства. И.К. бил приведен во полициска станица, а пиротехничките средства биле одземени.

По целосно документирање на случајот, против него ќе биде поднесена соодветна пријава. Исто така, на ул.„192“ на подрачјето на Бит Пазар, полициски службеници од ЕВР Центар и Бит Пазар заплениле 1.358 парчиња различни видови пиротехнички средства. Се преземаат мерки за расчистување на случајот.

Share on Facebook

Tweet

Follow us

Save