Алиев во посета на Србија: Гас за Србија од Азербејџан преку Бугарија
![t](https://infomax.mk/wp-content/uploads/2023/12/vucik-iliev.jpg)
Претседателот на Азербејџан, Илхам Алиев, денеска е во посета на Србија за да присуствува на церемонијата на пуштање во употреба на првиот гасен интерконектор меѓу Србија и Бугарија, кој ќе испорачува гас од Азербејџан. Овој значаен проект, познат како гасовод Ниш-Софија, има за цел да ја зголеми безбедноста на снабдувањето со гас во Србија и регионот на Западен Балкан.
Според Министерството за рударство и енергетика, Азербејџан до 2026 година ќе ја снабдува Србија со 400 милиони кубни метри гас годишно, а од 2027 година тие количини може да се зголемат три пати. Проектот за гасоводот Србија-Бугарија е вреден повеќе од 24 милиони евра, а за негова реализација се изградени 109 километри нов гасовод.
Гасниот интерконектор Србија-Бугарија претставува алтернатива за рускиот гас, но од српското Министерството за рударство и енергетика посочуваат дека нема план да престане да купува гас од Русија, но ќе продолжи во согласност со потпишаниот договор. Србија ќе има корист и од транзитот на гас за Унгарија, Словачка и потенцијално Австрија.
Алиев и Вучиќ се сретнаа во Белград во ноември минатата година кога беше потпишан Меморандумот за формирање на Совет за стратешко партнерство, а партнерството беше потврдено на средбата повторно во Баку во декември истата година.
ПОВРЗАНИ ВЕСТИ
Општина Тетово двојно ги зголеми даноците на…
Зголемувањето на даноците на имот од страна…
Директна закана од Израел: „Брзо да го…
Израелскиот министер за надворешни работи Израел Кац…
Србија ќе изгради музеј во чест на…
Претседателот на Србија, Александар Вучиќ, денеска изјави…
Украина ја засилува својата ракетна програма, Зеленски…
Украина издвојува дополнителни средства за својата ракетна…
Израел објави, 19 повредени во нападот на…
Најмалку 19 лица, вклучително и шест војници,…