А кој друг? Кипре прв стигна во Краков, очекува утре и задутре градот да стане „македонски“

Еден од најпознатите македонски навивачи, Горан Кипријановски, се чекираше во Краков, Полска. Популарниот Кипре веќе со децении е дел од сите големи спортски натпреварувања на кои игра македонска репрезентација или некој наш клупски колектив, па не е ни чудно што веќе е во градот домаќин на светското првенство во ракомет на кое ќе игра и Македонија.

„Засега е тивко во Краков. Времето е пријатно, околу три степени. Очекувам утре и задутре да пристигнат голем број на македонски навивачи и да биде направена препознатливата атмосфера секогаш кога игра нашата репрезентација“, беше пораката на Кипријановски од Краков.

Според проценките, за првиот меч на Македонија против Норвешка в петок, на трибините се очекува да има околу 800 навивачи во црвена и жолта комбинација.

Share on Facebook

Tweet

Follow us

Save