Битиќи се сретна со албанскиот амбасадор во Македонија: Ќе се унапредува економската соработка меѓу двете земји

t

Од Владата соопштуваат дека Вицепремиерот Битиќи се сретнал со Амбасадорот на Албанија, Фатос Река.

Ова е соопштението на Владата:

“Заменикот на претседателот на Владата, задолжен за економски прашања, координација на економските ресори и инвестиции, Фатмир Битиќи, денес го прими амбасадорот на Република Албанија во Република Северна Македонија, Н.Е. Фатос Река, со кого разговараа за политичката и економската соработка помеѓу двете земји, но и за заедничкиот придонес на двете соседни земји за регионалната соработка и економски развој.

Вицепремиерот Битиќи нагласи дека Северна Македонија и Албанија се пример за добра соработка помеѓу земјите од регионот и посочи дека се лидери во процесите коишто значат унапредување на условите за водење на бизнис за компаниите, кои се спроведуваат преку паралелните процеси „Отворен Балкан“ и „Берлински процес“, а чијашто основа е подигнување на конкурентноста на секоја од земјите и на целиот регион на Западен Балкан и овозможување на полесни услови за целосна интеграција на регионот во Европската Унија.

Зборувајќи за билатералната економска соработка, вицепремиерот и амбасадорот ги поздравија стапките на раст и обемот на трговската размена, извозот и увозот, кои во 2021 година беа на рекордно ниво, а сепак се согласија дека постои многу поголем потенцијал за унапредување на соработката во повеќе економски гранки, како и можности за реализација на инвестиции на компании од Албанија во нашата земја и обратно, со кои дополнително би се раздвижила трговската размена.

Битиќи потенцираше дека Северна Македонија забрзано работи на имплементација на повеќе инфраструктурни капитални проекти со кои ќе се овозоможи подобра патна, железничка и енергетска поврзаност со Република Албанија, што е уште една добра основа за унапредување на економската соработка помеѓу двете земји.

Вицепремиерот Битиќи и амбасадорот Река на маргините на состанокот изразија подготвеност и отвореност да ги продолжат и интензивираат меѓусебните контакти за унапредување на економската соработка и создавање на уште поцврсти односи помеѓу двете пријателски земји.”

ПОВРЗАНИ ВЕСТИ

Нов рекорд за албанскиот туризам: 1,7 милиони…

Премиерот на Албанија, Еди Рама преку објава…

Македонките се мажат најмлади во регионот, на…

Жените во Македонија најмлади стапуваат во брак…

Се очекува да ја престигнеме Србија: Македонија…

Македонија е втора земја во регионот според…

Албанија во топ 10 земји со најголем…

Албанија е меѓу земјите со најбрзо растечка…

Приоритет на НАТО во Албанија: Премин во…

Од Канцеларијата на НАТО во Брисел во…