Блинкен: Некои од барањата на Русија се апсолутно неостваpливи и тие добро го знаат тоа

Некои од барањата на Русија во областа на безбедноста што таа ги испрати до САД се апсолутно неостварливи, изјави американскиот државен секретар Ентони Блинкен.
„Мислам дека дел од стратегијата е да се претстави список на апсолутно неостварливи барања и потоа да се каже дека другата страна не сака да соработува и тоа да се користи како еден вид оправдување за агресивни дејствија“, посочи Блинкен.

Според него, Русија знае кои барања не можат да се исполнат, но е свесна и за сферите во кои е можен дијалог.
Зборувајќи за претстојните контакти меѓу САД и НАТО со Русија, американскиот државен секретар рече дека Украина е централно прашање на агендата.

Блинкен рече и дека НАТО не и се заканува на Русија, дека не планира да ја користи Украина за тие цели и дека изјавите дека Алијансата ветила дека нема да се шири на исток се лажни.
На крајот на 2021 година, Русија објави нацрт-договори со САД и НАТО за безбедносни гаранции. Меѓу другото, Москва бара правни гаранции од западните партнери за отфрлање на натамошното проширување на НАТО на исток, влезот на Украина во блокот и создавањето воени бази во постсоветските земји. З на 10 јануари на разговорите во Женева планирани меѓу Русија и САД за руските предлози за безбедносни гаранции. Се претпоставува дека потоа руските предлози ќе бидат разгледани на 12 јануари на Советот Русија-НАТО и на 13 јануари на платформата на ОБСЕ во Виена.

Share on Facebook

Tweet

Follow us

Save