„Или сте со нас, или против нас“ – САД ги притискаат сојузниците да се приклучат во „економската војна“ против Иран

Откако САД најавија „економска војна“ против Иран, американската администрација врши сè поголем притисок врз своите сојузници да се приклучат.

„Време е нашите сојузници и остатокот од светот да донесат одлука. Или сте на наша страна или сте против нас“, изјави американскиот министер за финансии Скот Бесент за CNBC.

Американскиот претседател Доналд Трамп претходно најави дека драстично ќе го зголеми економскиот притисок врз Иран. Тој предупреди дека земјите и субјектите кои продолжат да го поддржуваат Техеран ќе се соочат со строги мерки.

Бесент најави дека во понеделник ќе ги претстави деталите од планот на прес-конференција.

„Имаме поморска блокада и ќе воведеме најстроги санкции во историјата“, изјави тој, додавајќи дека под таков притисок иранското раководство би можело да се распадне.

Поради фокусот на економскиот притисок, Бесент засега не очекува нова ескалација на големи воени операции.

Share on Facebook

Tweet

Follow us

Save