(Видео) МАСОВНА ТЕПАЧКА во албанскиот парламент

За време на денешната седница албанскиот парламент беше место на сериозни тензии и физички конфликт меѓу претставниците на мнозинството и опозицијата, по што настана општ хаос меѓу пратениците.

Според албанските медиуми, за време на гласањето по една точка од седницата пратеникот на Демократската партија (ДП), Фламур Нока, се упати кон делот од салата каде што седи мнозинството за да ги земе своите картички за гласање, а во таа акција му се придружиле и други пратеници.

Ситуацијата набрзо ескалираше кога пратеникот на Демократската партија, Фидел Крека, го удри ливчето за гласање, а потоа го турна поранешниот министер за внатрешни работи Ервин Хоџа. Овој потег предизвика физичка пресметка меѓу двајцата.

Другите пратеници веднаш интервенираа во конфликтот, и од мнозинството и од опозицијата, што доведе до масовна тепачка во собраниската сала.

Тензиите за време на седницата се претворија во физичка пресметка меѓу пратениците, претворајќи ја парламентарната дискусија во сцени на хаос.

Share on Facebook

Tweet

Follow us

Save