(Видео) Неконтролирана ракета на „Спејс Икс“ на пат да се судри со Месечината

t

Ракета на „Спејс Икс“ е на патека да се судри со Месечината откако помина седум години низ вселената, велат експертите.

Леталото првично беше лансирано во февруари 2015 како дел од меѓупланетарна мисија со цел да испрати метеоролошки сателит на патешествие од 1,6 милиони километри. Но, по исцрпувањето на моторите и успешно завршената мисија, втората фаза во движењето на ракетата доживеало проблеми.

Во тој период леталото веќе било премногу далеку и немало гориво за да се врати во земјината атмосфера, но истовремено немало и енергија да избега од месечево-земјината гравитација. Според метеорологот Ерик Бергер, од тогаш ракетата се наоѓа во хаотична орбита.

Проучувачите на вселената веруваат дека ракетата, која тежи околу четири метрички тони „вселенско ѓубре“, е на пат да се судри во Месечината со брзина од 2,58 километри во секунда во следните недели.

Бил Греј, кој создава софтверски програми за следење на објекти, астероиди и мали планети и комети блиски до Земјата, вели дека ракетата Фалкон 9 најверојатно ќе удри во далечната страна на Месечината на 4-ти март.

„Ова е прв случај на ненамерно судирање на вселенско ѓубре со Месечината за кое знам“, додава Греј.

Астрофизичарот Џонатан Мекдауел од Универзитетот Харвард потврди дека судирот најверојатно ќе се случи на 4-ти март, додавајќи дека тоа нема да биде нешто премногу значајно.

ПОВРЗАНИ ВЕСТИ

Русија ќе војува и во Вселената: Вселенските…

Вселенските објекти што ги користат САД и…

Вселенска трка – Шефот на НАСА стравува:…

Кинеските власти може да ги бараат своите…

(Видео) Освојување на Вселената: Кинеските астронаути пристигнаа…

Новиот тим астронаути стигнаа до кинеската вселенска…

Турција успешно ја тестираше “Тајфун”: Домашно развиена…

Турција изврши успешно тестирање на домашно развиената…

Немаат среќа: НАСА повторно го откажува лансирањето…

НАСА ќе го откаже лансирањето на новата…