INFOMAX.MK

Вицепремиерот на Црна Гора, Дритан Абазовиќ, кој престојува во Ватикан, денеска се сретна со поглаварот на Римокатоличката црква, папата Франциско, кому му испрати покана да ја посети Црна Гора.

Абазовиќ на Твитер напиша дека го поканил папата да ја посети Црна Гора и на тој начин да го исполни аманетот на Емили Огњановиќ, духовниот отец на папата од Аргентина, која по потекло е од Црна Гора.

Папата, напиша Абазовиќ, одговори: „И јас сум Црногорец“.

Тој додаде дека му е мило што се сретнал со папата во Ватикан, каде што е во дводневна посета и ќе има неколку одвоени средби, меѓу кои и со Католичката заедница во Сан Егидио.

Според Владата, посетата на Абазовиќ на Ватикан е показател за продолжување на дијалогот со Ватикан, кој Црна Гора континуирано го негува врз принципите на меѓусебно почитување, толеранција и разбирање.

Bila mi je čast susresti se sa @Pontifex Papom Franjom danas u Vatikanu

Papa: “I ja sam Crnogorac!”

Vrhovni poglavar iskazao zahvalnost nakon što sam ga podsjetio na oca Emilija Ognjanovića, koji mu je bio duhovnik još u Argentini🇦🇷, inače naš čovjek-porijeklom iz Crne Gore🇲🇪 pic.twitter.com/pDim2JR5BZ

— Dr Dritan Abazovic (@DritanAbazovic) December 29, 2021