ВМРО-ДПМНЕ: Додека здравствените власти се убедуваат кој да членува во нефункционалната комисија за заразни болести, илјадници луѓе се препуштени сами на себе

t

Од ВМРО-ДПМНЕ реагираат дека додека здравствените власти се убедуваат кој да биде член на Комисијата за заразни болести, дневно имаме по илјадници заразени од Ковид 29.

Ова е партиското соопштение:

“Здравствениот систем е во целосен колапс, само за 24 часа изминатото деноноќие во Македонија 21 лице го загубија својот живот и нови 1.254 новозаразени граѓани од КОВИД- 19.

Додека здравствените власти преку социјалните мрежи се убедуваат кој да биде во нефункционалната Комисијата за заразни болести, секој ден имаме по илјадници новозаразени од КОВИД-19 и без никакви функционални мерки за спречување на ширењето на вирусот.

Без никакви мерки, граѓаните се препуштени сами на себе да се снаоѓаат како што умеат.

Со денови се чека за тестирање од КОВИД-19, секој ден матичните лекари се жалат дека системот Мој термин паѓа и не можат да закажуваат прегледи за пациентите.

И во целиот овој хаос, министерството за здравство, како и владата на пиунот Ковачевски, решија да започне второто полугодие во образовниот систем, изложувајќи ги децата на ризик од заразување со КОВИД- 19.

Веднаш се потребни итни мерки за спречување на ширењето на новиот омикрон сој на КОВИД-19. Македонија се претвори во Вухан, само заради неспособноста како на претходниот министер за здравство Венко Филипче кој мислеше само на тендери и провизии, така и на новиот министер Беким Сали.”

ПОВРЗАНИ ВЕСТИ

Голем број на новозаразени од Ковид-19: Четири…

Согласно податоците од Институтот за јавно здравје,…

Над 1100 новозаразени, три лица починаа: Ова…

Согласно податоците од Институтот за јавно здравје,…

Ковачевски ја притиска опозицијата: ВМРО-ДПМНЕ да расчисти…

Премиерот Димитар Ковачевски денеска го повтори ставот…

Бајден повторно позитивен на Ковид-19

Американскиот претседател Џо Бајден повторно позитивен на…

Црвен аларм во Србија: Денеска скоро 6000…

Во Србија во последните 24 часа се…