Во пакет на DHL пронајден бел прав – 12 лица побараа медицинска помош во Германија

Најмалку 12 лица се повредени откако во дистрибутивен центар на DHL во Германија беше пронајден бел прав на сомнителен пакет. Итните служби интервенираа утринава во складиштето во Лангенцен, Бурграфенхоф, откако повеќе работници пријавиле здравствени проблеми.

Полицијата потврди дека станува збор за инцидент со опасна супстанца и испрати 100 припадници на итните служби. Неколку вработени имале контакт со белиот прав на надворешноста на пакетот, што предизвикало иритација. Локалните пожарникари поставија станица за деконтаминација. Седум вработени се префрлени во болница, а останатите се згрижени на самото место.

Итните служби се обидуваат да го идентификуваат испраќачот на пакетот. На местото на настанот сè уште се присутни екипи за опасни материи и спасувачки хеликоптер. Граѓаните се повикани да го избегнуваат подрачјето додека не се прогласи крај на опасноста.

Share on Facebook

Tweet

Follow us

Save