Вучиќ: Подготвен сум да бидам премиер

Српскиот претседател Александар Вучиќ изјави дека се подготвува да ја преземе функцијата премиер доколку неговата Српска напредна партија го поддржи како кандидат.

Во гостување на телевизијата „Информер“, Вучиќ рече дека има уште неколку дена за да распише предвремени парламентарни избори.

Според него, крајниот рок за распишување на изборите е 10 септември, а како можни датуми претходно ги споменуваше 18 или 25 октомври.

Највисокото раководство на СНС треба да одржи седница во Ниш, на која ќе се разговара и за предвремените избори и за можната кандидатура на Вучиќ за премиер.

Вучиќ изјави дека, доколку ја добие поддршката од партијата и дојде во позиција да формира влада, неговиот кабинет би имал најмногу 12 министри.

Со ова Вучиќ првпат толку директно ја отвора можноста по истекот на претседателската функција или по евентуалните предвремени избори повторно да се врати на премиерската позиција.

Share on Facebook

Tweet

Follow us

Save