ГЕРБ собира потписи за оставка на претседателката на бугарското Собрание по инцидентот со новинарката

ГЕРБ собра 39 од потребните 80 потписи од пратениците за свикување вонредна седница на Народното собрание и за барање оставка од претседателката на парламентот, Михаела Доцова, соопштија од партијата во петокот наутро.

ГЕРБ упатува покана до сите опозициски пратенички групи да се приклучат кон двете барања и да ја поддржат иницијативата со своите потписи.

„Сметаме дека е недозволиво однесувањето на Михаела Доцова, која по грубата реакција на припадниците на Националната служба за обезбедување (НСО) што ја обезбедуваат, невознемирено го напушти местото на инцидентот. Таквото однесување е неспоиво со институцијата што ја претставува“, соопштија од партијата на Бојко Борисов.

Оттаму додаваат дека претседателката на Народното собрание не може да бара почит кон институцијата и да ја претставува по вчерашниот настан.

Share on Facebook

Tweet

Follow us

Save