ГОЛЕМ ГЕСТ НА ПЕЛИСТЕР: Се појавија со маички на кои пишува „Почивај во мир, Аган“

Фудбалскиот клуб Пелистер упати искрено сочувство до семејството, роднините и пријателите на прерано починатиот 13-годишен фудбалер Аган Асани од КФ Куманово.

Од битолскиот клуб преку социјалните мрежи изразија длабока тага поради трагичната вест и испратија порака на поддршка до најблиските на младиот спортист.

„Почивај во мир, Аган“, порачаа од Пелистер, придружувајќи ја објавата со зборови на сочувство и солидарност.

Спортската јавност е потресена од загубата на младиот фудбалер, а бројни клубови, спортисти и пријатели се простуваат од Аган Асани, изразувајќи почит кон неговиот живот и љубовта кон фудбалот.

Share on Facebook

Tweet

Follow us

Save