Дали ќе ја нападнеме Русија? Ковачевски и Славјанка во посета на Брисел: Ќе остварат средби со претставници на НАТО
![t](https://infomax.mk/wp-content/uploads/2022/01/kovacevski.png)
Од Владата информираат за работната посета на Премиерот Ковачевски и дел од владините министри на Брисел, каде ќе се сретнат со претставници на НАТО и ЕУ.
Ова е соопштението од Владата:
“Претседателот на Владата на Република Северна Македонија, Димитар Ковачевски, придружуван од заменик-претседателот задолжен за европски прашања, Бојан Маричиќ, министерот за надворешни работи, Бујар Османи и министерката за одбрана, Славјанка Петровска, утре и задутре ќе престојуваат во работна посета на Брисел.
Во четврток, премиерот Ковачевски, заедно со министерот за надворешни работи, Бујар Османи и министерката за одбрана, Славјанка Петровска ќе имаат средба со генералниот секретар на НАТО, Јенс Столтенберг.
После средбата следува заедничка прес-конференција на премиерот Ковачевски и генералниот секретар на НАТО, Столтенберг.
Работната посета на Брисел потоа продолжува со низа средби во институциите на ЕУ.
Претседателот на Владата на Северна Македонија, Димитар Ковачевски ќе се сретне со претседателот на Европскиот Совет, Шарл Мишел, по што работниот дел од првиот ден од посетата на Брисел ќе заврши со претседателката на Европскиот Парламент, Роберта Метсола, на која покрај премиерот Ковачевски ќе присуствуваат и заменик-претседателот задолжен за европски прашања, Бојан Маричиќ и министерот за надворешни работи, Бујар Османи.
Во петок, премиерот Ковачевски ќе има средба со претседателката на Европската Комисија, Урсула фон дер Лајен, на која ќе присуствуваат и заменик-претседателот задолжен за европски прашања, Бојан Маричиќ и министерот за надворешни работи, Бујар Османи.
На маргините на дводневната работна посета на Брисел, претседателот на Владата на Република Северна Македонија, Димитар Ковачевски ќе оствари и повеќе други средби со претставници на различни институции на ЕУ.”
ПОВРЗАНИ ВЕСТИ
ЕУ: Украина има законко право да се…
Портпаролот на Европската унија, Петер Стано, коментирајќи…
Марија Габриел ќе биде втор човек во…
Поранешната еврокомесарка и министерка за надворешни работи…
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Филипче до Гир: Се сомневам во намерите…
Претседателот на СДСМ, проф. д-р Венко Филипче,…
ЕУ мобилизира дополнителна помош за борба против…
По упатеното барање за помош од Македонија,…