Жичницата на Водно ќе работи: По четворица во кабина и задолжително со маски

t

Жичницата на Средно Водно ќе се пушти во употреба во текот на наредната недела.

Од ЈСП – Скопје информираат дека се завршени сите неопходни процедури за пуштање на објектот во функција од технички и безбедносен аспект, а одобрен е и Протоколот за работа на Жичницата во услови на ковид-19, според кој е предвидено во една кабина да можат да се превезуваат максимум четири лица, односно искористеност на 50 проценти од вкупниот капацитет на кабината, а патниците треба да носат заштитна маска. Воедно, три пати во текот на денот ќе се врши дезинфекција на подот и внатрешноста на кабините.

Жичницата прекина со работа на 15.03.2020 година, како една од мерките за заштита од ковид-19. Оттогаш, практично е ставена во мирување, односно не работи со патници.

– „За време на целиот период со времената мерка за забрана за работа со патници, Жичницата е под постојан надзор на вработените, вршени се дневни, неделни, месечни, тримесечни, полугодишни и годишни проверки“ – појаснуваат од ЈСП.

Во изминатиов период е направен и редовен годишен преглед на Жичницата од овластена институција, при што е добиен позитивен технички извештај, како и сертификат за работа.

– „Во неколку наврати, на Жичницата е направен мониторинг од страна на државен инспектор за жичници кој не констатирал никакви недоследности, а по извршен редовен технички преглед, добиен е технички извештај и сертификат за работа. Направен е и мониторинг од страна на државен инспектор од Министерството за транспорт и врски, како редовна постапка, при што не се најдени никакви недоследности.“ – Потенцираат од ЈСП.

Во текот на изминатата недела извршен е и редовен преглед од страна на Државниот технички инспекторат при Министерство за економија и од Министерство за транспорт и врски.

ПОВРЗАНИ ВЕСТИ

Да беше Ленин – Сталин со Квиско…

Да беше Ленин Сталин во 2018-та ќе…

Болна работа: Малолетник од Скопје силувал малолетничка

Денеска (28.11.2022) во 02.20 часот, полициски службеници…

Арсовска: “Лидерот” се закануваше дека нема да…

Застапувате приватен бизнис наместо интересите на граѓаните,…

Арсовска: Да не се пласираат невистини од…

Единствена работа со која можам да се…

Арсовска: Не дозволуваме да се функционира со…

Јас мислам дека сите сме тука да…