Објавено на:

Затворени се Босфор и Дарданели или не? Русија не добила никакво известување за забрана за проток на бродови

t

Руската амбасада во Турција не добила никакво официјално известување од турска страна во врска со затворањето на морето за минување на руски воени бродови, соопшти амбасадата.


Украинскиот претседател Владимир Зеленски претходно на Твитер објави за затворање на морињата во Турција за руските воени бродови.


Сепак, тој во пораката не прецизира дали турскиот претседател Реџеп Таип Ердоган ја донел таа одлука или не.


Турскиот министер за надворешни работи Мевлут Вуавушоглу вчера, по повод повикот за затворање на морињата за руските бродови, изјави дека Анкара ќе ги почитува сите точки од Конвенцијата од Монтре и нема да применува двојни стандарди.


Претходно, украинскиот амбасадор во Турција Василиј Бондар изјави дека Киев бара од Анкара да ги затвори морињата, а Чавушоглу изјави дека Турција може да ги затвори Босфорот и Дарданелите, но дека руската страна има право да ги врати своите бродови во базата.


Според Конвенцијата од Монтре од 1936 година, Турција доби целосна контрола над Босфор и Дарданелите. Договорот гарантира слободен премин на цивилни бродови низ Црното Море во мирно време и го ограничува преминувањето на воените бродови кои не припаѓаат на црноморските држави.

ПОВРЗАНИ ВЕСТИ

Што потпишаа Путин и Ким: Кој ја…

Договорот за сеопфатно стратешко партнерство што го…

Рускиот заменик МНР: Украина никогаш нема да…

Украина никогаш нема да влезе во Северноатлантската…

Путин: Русија се бори против децениска „хегемонистичка…

Русија се бори против децениска „хегемонистичка и…

Руските нуклеарни подморници испукаа „Калибри“ и „Гранит“…

Нуклеарните подморници Северодвинск и Орао од руската…

Русија потврди: И вториот авион А-50У е…

Московскиот суд издаде налог за апсење на…