За МНР предлогот за конзул во САД се шпекулации и лажни вести

t

Mинистерството за надворешни работи денеска упати реакција по повод вестите бројните објавени нецелосни информации поврзани со испраќањето на дипломати во Дипломатско – конзуларните претставништва.

„Со оглед дека се работи за информации од доверлив карактер, дозволете да информираме дека Република Македонија во моментов има Генерален конзул во Њујорк, Јордан Панев, кој е дипломат од кариера, и кој е избран согласно сите законски прописи“, велат од МНР.

Од таму додаваат дека во моментов тој е на половина од својот мандат и засега не се предвидува негова предвремена замена.

Ваквата реакција на Министерството следува по бурната реакција на јавноста откако медиумите објавија дека ТВ презентерката Бесмира Ејупи е преложена за нов генерален конзул на Македонија во Њујорк.

Од Кабинетот на Претседателот на државата вчеравечер појаснија дека постапката за именување на генерален конзул на Република Македонија во странство не е во надлежност на претседателот на државата, туку е во надлежност на Министерството за надворешни работи и Владата, и истата е регулирана со Законот за надворешни работи.

Од Владата нема потврда за информацијата дека 28-годишната ТВ-презентерка на вести, ќе биде генерален конзул во Њујорк како што објави порталот „Зум“. Од Владата не потврдуваат ниту дали имало затворена седница на која се донесени одлуки за испраќање на Ејупи во Њујорк, но и за пополнување други позиции во македонски дипломатско-конзуларни претставништва.

ПОВРЗАНИ ВЕСТИ

МНР обоено во боите на германското знаме…

По повод на утрешната посета на сојузната…

Пендаровски “ги погоди” Бугарите: Се јави и…

Бугарскиот европратеник Ангел Џамбаски на официјалниот Фејсбук профил реагира…

МНР не одговара на прашањето на Инфомакс:…

Министерството за надворешни работи не одговара на…

Нема информации за повредени македонски државјани во…

Во врска со трагичната железничка несреќа, која…

МНР повторно се обои во боите на…

Министерството за надворешни работи вечерва е во…