За што разговараа Ковачевски и поглаварите на верските заедници на денешната средба?

t

Од Владата информмираат дека Преиерот Ковачевски денес се сретнал со поглаварите на верските заедници во Македонија.

Ова е соопштението од Владата:

“Претседателот на Владата на Република Северна Македонија, Димитар Ковачевски, придружуван од првиот заменик-претседател на Владата и министер за политички систем и односи меѓу заедниците, Артан Груби, министерот за внатрешни работи, Оливер Спасовски и директорот на Комисијата за односи со верските заедници и религиозните групи, Даријан Сотировски, се сретна со поглаварите на верските заедници во земјава:

на Македонската Православна Црква – Охридска Архиепископија, Архиепископот Охридски и Македонски, г.г. Стефан, на Исламската верска заедница, Реисул Улема хаџи Шаќир ефенди Фетаи, на Католичката црква, монсињор Киро Стојанов, бискуп скопски и струмичко-скопски епарх, со претседателот на Еврејската заедница, Пепо Леви и со Марјан Димов, суперинтендент на Евангелско-методистичката црква.

На состанокот се изразени честитки за мандатот на премиерот Ковачевски и за изборот на новата Влада, како и благодарност за денешниот прв состанок, организиран на највисоко политичко ниво, што е оценет како достоинствено внимание кон верските заедници и продолжување на добрата соработка со Владата.

Премиерот Ковачевски рече дека добрата соработка со верските заедници ќе продолжи, со почит кон сите, дека нема нерешливи прашања кога се работи според принципот на почитување и дијалог и дека тој како премиер и оваа, политички стабилна Влада, се определени да ги продолжат и унапредат ефикасните политики, што даваат резултати во полза на сите граѓани.

Заеднички е констатирано дека успешната изградба едно општество за сите, во последниве години, е придобивка за сите граѓани, а во таа насока е истакната и добрата соработката меѓу верските лидери, како придонес во воспоставувањето меѓусебна доверба и почитување меѓу заедниците.

Од страна на сите верски лидери присутни на средбата е изразена поддршка премиерот Ковачевски и Владата да продолжат да работат како што е почнато, со отворен, чесен и достоинствен приод кон актуелните теми од важност за граѓаните и за добрата иднина на земјата.

На состанокот се разгледани повеќе актуелни прашања, коишто беа истакнати како важни од страна на претставниците на верските заедници, присутни на средбата.”

ПОВРЗАНИ ВЕСТИ

Ковачевски: Денеска го одбележуваме Денот на Охридското…

Денеска го одбележуваме Денот на Охридското Езеро…

Ковачевски: Финансискиот систем успешно се справи со…

Претседателот на Владата на Република С. Македонија…

Мицкоски до Ковачевски: Достоинството или го имаш,…

Достоинство или го имаш или воопшто го…

Каракамишева: Ако ова не е страшно за…

Целата јавност со горчина ја критикува реакцијата…

Ковачевски: Невработеноста е на историски најниско ниво

„Стапката на невработеност се очекува дополнително да…