Иран демантира средба меѓу Резаи и Венс во Доха: Нема преговори без конкретни американски чекори

Иран ги отфрли извештаите дека секретарот на Врховниот совет за национална безбедност, Мохсен Резаи, следната недела ќе се сретне со американскиот потпретседател Џеј Ди Венс во Доха.

Висок ирански безбедносен функционер изјави за „Прес ТВ“ дека таква средба не е планирана и дека ставот на Техеран за преговорите со Вашингтон останува непроменет.

Според него, разговори со американски претставници нема да бидат ставени на дневен ред сè додека САД не преземат практични чекори во рамките на седумте услови поставени од Иран. Меѓу иранските барања се прекин на воените дејства, укинување на санкциите и блокадата, ослободување на замрзнатите средства и надомест за воената штета. presstv.co.uk

Демантот следува по претходната најава на шефот на турската разузнавачка служба, Ибрахим Калин, дека Катар се подготвува следната недела да биде домаќин на средба меѓу Венс и Резаи.

Со последната изјава, иранската страна јасно порача дека најавите за директни разговори не претставуваат договорена средба и дека евентуалното обновување на преговорите го условува со конкретни потези од Вашингтон.

Share on Facebook

Tweet

Follow us

Save