Кина е најскапото место на светот за одгледување на дете
![t](https://infomax.mk/wp-content/uploads/2022/01/deca-kina.jpg)
Според последните извештаи, Кина е најскапото место за одгледување дете. Токму тоа е причината поради која жените се помалку избираат да имаат повеќе деца, па иако некогаш важеше за земја со најголема популација, наталитетот нагло опаѓа.
Студиите, објавени во средата од кинескиот Институт за истражување на населението ЈуВа, покажаа дека просечниот национален трошок за одгледување дете од раѓање до 17-годишна возраст е околу 74.800 американски долари – што се зголемува на повеќе од 94.500 долари за издржување на детето во училиште, пренесува Каматица. Трошоците за воспитување на дете под 18 години во Кина се 6,3 пати повеќе од БДП по глава на жител, се вели во извештајот – сооднос на второ место по нејзиниот источноазиски сосед Јужна Кореја, која има најниска стапка на плодност во светот и каде што трошоците за одгледување деца се 7,79 пати по БДП по глава на жител.
За споредба, во извештајот се вели дека трошоците биле само 2,08 пати повеќе од БДП по глава на жител во Австралија, 2,24 пати во Франција, 4,11 пати во САД и 4,26 пати во Јапонија – уште една источноазиска земја која долго време се бори со брзо стареење на населението и опаѓање на наталитетот
– Поради причини како што се високите трошоци за породување и тешкотијата на жените да балансираат меѓу семејството и работата, подготвеноста на кинескиот народ да има деца е речиси најниска во светот – се наведува во извештајот, цитиран од Си-Ен-Ен.
ПОВРЗАНИ ВЕСТИ
Кина со најмногу златни медали пред завршниот…
Пред завршниот ден на Олимписките игри во…
Мециновиќ ја посети Јутонг фабриката за автобуси…
Пратеникот од редовите на Левица, Амар Мециновиќ,…
Мециновиќ: Кина е заинтересирана за зголемување на…
Мециновиќ, пратеник од Левица, кој деновиве е…
Следна станица за Ѓоковиќ е Кина!
Српскиот тенисер Новак Ѓоковиќ го потврди учеството…
Мециновиќ од Левица на состанок во кинеското…
Денес во Министерството за надворешни работи на…