Мециновиќ ја посети Јутонг фабриката за автобуси во Кина

Пратеникот од редовите на Левица, Амар Мециновиќ, кој е во посета на Народна Република Кина ја посети фабриката за производство на автобуси Јутонг.

– „Пред сѐ, ова беше за мене прв пат да се возам со самоуправувачки автобус, а покрај тоа производствените капацитети кои денес ги видовме се нешто што немам видено досега и служат како доказ зашто оваа компанија е лидер во индустријата.

Мислам дека Скопје навистина би имало голема придобивка од овој тип на модерни нови автобуси затоа што сите веруваме дека квалитетен јавен транспорт е неопходен за квалитетен живот за граѓаните.”

Пратеникот Мециновиќ оствари средба со раководството на фабриката како и со претставници од одделот за меѓународна соработка со југоисточна Европа. Се разговараше за претходната соработка, од пред една деценија, и за потенцијалот за повторно окрупнување на јавниот превоз во Скопје со овој бренд на автобуси.

ДПМНЕ и СДС со години ја блокираат набавката на нови автобуси за Град Скопје – ова неодговорно однесување најмногу удира по секојдневието на граѓаните. – изјави Мециновиќ за кинеските медиуми.

ЛИНК од видеото

Share on Facebook

Tweet

Follow us

Save