Кличко: Путин би ја нападнал и Алјаска ако САД се доволно слаби

Поранешниот украински светски шампион во бокс Кличко за „Билд“ по повод интервјуто на американскиот новинар Такер Карлсон со рускиот претседател Владимир Путин изјави дека Русија ќе ја нападне Алјаска доколку Соединетите Американски Држави се доволно слаби.

„Го видов интервјуто. Путин сака да ја врати историјата и да ја преработи. Ако САД беа доволно слаби, Путин исто така би сакал да ја нападне државата Алјаска, а тој би имал причина да го стори тоа: Алјаска порано била дел од Русија. Веројатно ќе мора да се врати во Русија. Русија на Путин е злобна. Ако Украина падне, ние нема да бидеме последната земја што ќе стане жртва на руската инвазија“, предупреди Кличко и додаде дека и Германија често заборава дека Истокот бил дел од советската империја.

Тој посочи дека руската пропаганда е упорна во лагите, што може да се види во медиумите спонзорирани од руската држава, не само во Русија, туку и надвор од неа.

„За жал, тоа се гледа и во Германија, во Европа, во САД, тоа е војна не само со дронови, туку и во медиумите. Медиумите се едно од најопасните и најсилните оружја што постојат“, заклучи Кличко, чиј брат Виталиј, исто така повеќекратен светски шампион во бокс, е актуелен градоначалник на Киев.

Share on Facebook

Tweet

Follow us

Save