Ковачевски го поздрави договорот меѓу СОНК и МОН

Премиерот Димитар Ковачевски го поздрави договорот за вработените во образованието и покачувањето на платите за дури 15%, почнувајќи од септемвриската плата. Тој информира дека ова зголемување на платите е најголемото досега и заедно со досегашните 21% зголемување е историски најголемата поддршка на вработените во образованието.

-До пред само 5 години, максималното зголемување на платите беше 4%, без глобални кризи. Сега, во услови на најголема економска и енергетска криза, покрај огромното процентуално зголемување, на вработените во образованието, преку колективните договори ќе им се овозможи и усогласување со минималната плата како и други придобивки. Воедно, ќе се дефинира методологија за континуиран раст на платите со што ќе се заштити стандардот на наставниците и ќе се овозможи континуирано зголемување на плата без потреба од дополнителна владина, институционална или политичка интервенција, наведува Ковачевски.

Премиерот апелира до членството на СОНК за брзо и целосно прифаќање на договорените условите и одговорност.

Вечерва министерот за образование, Јетон Шаќири информираше дека е договорено зголемување на платите на просветните работници во основното и средното образование.

-Тоа е во согласно со буџетските можности. Нема да има кратење за времето кога се штрајкуваше. Најдовме целосно разбирање и ќе се исплатат целосни плати за април. Ги допрецизиравме работите и околу колективните договори, рече Шаќири после средбата со претседателот на СОНК, Јаким Неделков.

Share on Facebook

Tweet

Follow us

Save