Ковачевски: Не се откажуваме од концептот “Едно општество за сите” – Градиме мостови дома и со соседите

Премиерот Димитар Ковачевски на Фејсбук го честита Меѓународниот ден на Бошњаците.

Ковачевски нагласи дека не се откажува од концептот “Едно општество за сите”.

– Со исправни одлуки градиме мостови дома, со соседите и со светот.

Продолжуваме да го градиме концептот „Едно општество за сите“ заедно со Бошњаците кои се вткаени во нашата заедничка мултиетничка и мултикултурна држава. Како рамноправен народ тие се вклучени во носењето на сите важни одлуки за државата со што учествуваат во создавањето на подобро утре за сите.

Државата ја сакаат низ дела и за овој придонес на граѓаните од бошњачката етничка заедница, во името на Владата на Република Македонија и во мое име, изразувам искрена благодарност и почит.

Нека e честит 28 септември, Меѓународниот ден на Бошњаците!, напиша Ковачевски.

Share on Facebook

Tweet

Follow us

Save