Ковачевски се сретна со Гир: ЕУ ги поздравува македонските ставови за воената операција на Русија во Украина

t

Претседателот на Владата на Република Македонија, Димитар Ковачевски придружуван од заменик на претседателот на Владата за европски прашања Бојан Маричиќ, се сретна со Дејвид Гир, амбасадор и шеф на Делегацијата на ЕУ во земјава.

На состанокот е поздравено лидерството на Владата и брзата реакција за ситуацијата во Украина.

Премиерот Ковачевски ја потврди позицијата на Република Македонија во согласност со позициите на нашите стратешки партнери ЕУ, НАТО и САД, за најостра осуда на руската инвазија на Украина и поддршка и придружување на санкциите кон Руската Федерација.

На средбата е заеднички истакната важноста на европските перспективи на Република Македонија, што ќе значи охрабрување за европерспективите и на сите други држави од Западен Балкан.

Претседателот на Владата, Ковачевски рече дека, на домашен план Владата е фокусирана кон поддршка на животниот стандард на граѓаните и на компаниите и во насока на надминување на предизвиците од енергетската ситуација. Во врска со односите со Бугарија, премиерот Ковачевски истакна дека разговорите на премиерско ниво и меѓу членовите на работните групи се поставени на достоинствено ниво, со цел постигнување логички решенија врз база меѓусебно почитување и разбирање.  

На состанокот е разговарано и за значењето на имплементацијата на европските проекти финансирани со европски пари, за што е констатирано дека е потребно одговорно однесување на локално ниво и од надлежните органи и институции.  

ПОВРЗАНИ ВЕСТИ

(Видео) Претседателката ќе чека новата влада да…

Сиљановска ќе почека да се формира новата…

ДУИ му помогна на Мицкоски за двотретинско…

Со 88 гласа “за” пред 3 часот…

Американската амбасада ќе ги подобрува односите помеѓу…

Аташето за култура и образовани на САД…

Обвинителството ја проверува и отфрлената претставка за…

Меѓу списите кои ги проверува обвинителството во…

Претседателката Сиљановска Давкова ќе ги прими поглаварите…

Претседателката Гордана Сиљановска Давкова денеска ќе ги…